لا ورق يتوه ولا وقت يضيع.. يومك الجامعي بقى منظم بجد

حُضور هو تطبيق جامعي معمول للدكتور والطالب؛ بيسجل الحضور في ثواني، بيعمل كويزات عادلة، وبيصدر كشوف الحضور والدرجات كملفات PDF معتمدة للكنترول أو عشان تترفع على منصة الجامعة الأساسية.

التطبيق بيدعم تسجيل الحضور بالبلوتوث من غير نت؛ تليفون الطالب بيبعت إشارة بالـ ID بتاعه يستلمها تليفون الدكتور مباشرة ويتسجل الطالب في كشف الحضور فوراً.

التطبيق بيحفظ ID جهاز الطالب عند تسجيل الدخول عشان يعرف لو سجل لزميله، وبيحسب المسافة الفعلية وبيدّي تحذير للدكتور لو الطالب أبعد من 500 متر أو من فرقة تانية، مع ميزة تحديث موقع الطالب أثناء المحاضرة.

التطبيق بيصدر كشوف PDF معتمدة لحضور وغياب محاضرات الدكتور، نتائج الكويزات، تصدير أسئلة الاختبار كنموذج امتحان ورقي، بالإضافة لكشف تفصيلي ببيانات الطالب يشمل كل المحاضرات اللي حضرها وغابها ودرجاته.

التطبيق بيمنع تصوير الشاشة نهائياً، بيخرج الطالب من الاختبار لو خرج من التطبيق، بيرتب الأسئلة عشوائياً، وبيرتبها حسب النوع (صح وغلط، اختياري، مقالي)، مع ميزة تصحيح السؤال المقالي تلقائياً حسب الدقة اللي الدكتور بيحددها.

ليدر الدفعة يقدر ينشئ المحاضرة للدكتور ويدير الحضور، يدير المجموعات العامة ويقسمها لمواضيع (Topics) للإعلانات والمحادثات، يتواصل مع الطلاب في الرسائل، ويرفع بنوك الأسئلة والاختبارات السابقة في صفحة الكورس.